Thursday, September 15, 2011

ਭਾਲ਼....

ਭਾਲ਼...
ਨਜ਼ਮ
ਮੈਂ ਅੱਜ ਵੀ ਭਾਲ਼ ਵਿੱਚ ਹਾਂ

ਓਸੇ ਮੋਢੇ ਦੀ ...
ਜੋ ਮਜ਼ਾਕ ਵਿੱਚ ਕੀਤੇ
ਇੱਕ ਵਾਦੇ ਨੂੰ ਪੁਗਾਉਣ ਲਈ
ਕਰ ਦਿੱਤਾ ਸੀ ਮੇਰੇ ਹਵਾਲੇ....
ਮੈਂ ਅੱਜ ਵੀ ਭਾਲ਼ ਵਿੱਚ ਹਾਂ
ਓਸੇ ਗਲ਼ਵਕੜੀ ਦੀ
ਜੋ ਤੂੰ ਅਚਾਨਕ ਹੀ ਪਾਈ ਸੀ...
ਮੈਂ ਅੱਜ ਵੀ ਭਾਲ਼ ਵਿੱਚ ਹਾਂ
ਓਸੇ ਛੋਹ ਦੀ
ਜਿਹਨੇ ਮੇਰੀ ਆਤਮਾ ਨੂੰ ਛੋਹਿਆ ਸੀ
ਮੈਂ ਅੱਜ ਵੀ ਭਾਲ਼ ਵਿੱਚ ਹਾਂ
ਓਸੇ ਮੁਸਕੁਰਾਹਟ ਦੀ
ਜੋ ਮੇਰੇ ਇਸਤਕਬਾਲ ਦੀ ਜ਼ਾਮਨ ਬਣੀ ਸੀ..
ਮੈਂ ਅੱਜ ਵੀ ਭਾਲ਼ ਵਿੱਚ ਹਾਂ
ਓਸੇ ਅਲ-ਵਿਦਾਈ ਮੰਜ਼ਰ ਦੀ
ਜਦ ਸਿਰਫ਼ ਦੋ ਜਿਸਮ ਜੁਦਾ ਹੋਏ ਸਨ
ਮੈਂ ਅੱਜ ਵੀ ਭਾਲ਼ ਵਿੱਚ ਹਾਂ
ਉਹਨਾਂ ਨੈਣਾਂ ਦੀ
ਜੋ ਮੈਨੂੰ ਜਾਂਦਾ ਦੇਖ ਕੇ ਸਾਵਣ ਬਣ ਗਏ