*ਬਜ਼ਲਾ
‘ਦੜ ਵੱਟ’ ਥੋੜ੍ਹਾ ‘ਡੰਗ ਟਪਾ ਲਓ; ਸ਼ਾਮਾਂ ਤੀਕ।
ਫਿਰ ਤਾਂ ਭਾਵੇਂ ਬੋਤਲ ਡੱਫੋ ਲਾ ਕੇ ਡੀਕ।
ਪਰਿਆ ਵੱਲ ਨਾ ਜਾਵੀਂ, ‘ਕੱਲਾ-ਕਹਿਰਾ’ ਦੇਖ!
'ਮੋਢਿਆਂ ਤੋਂ ਦੀ ਥੁਕਦੇ’, ਹੋਏ ‘ਚੌੜ’ ਸ਼ਰੀਕ।
“ਆਹ ਕੀ ਕੀਤਾ ? ‘ਸੱਤ-ਕਵੰਜਾ’ ਬਣ ਜੂ ਯਾਰ!
ਹਾਲੇ ਤਾਂ ਕੱਲ ਹੀ ਭੁਗਤੀ ਸੀ ਇੱਕ ਤਰੀਕ!
ਲਲਕਾਰੇ, ਤਲਵਾਰਾਂ, ਛਵੀਆਂ, ਟਕੂਏ, ਦਾਤ
ਕੀ ਕੁੱਝ ਭੱਜਿਆ ਆਇਆ, ਸੁਣਕੇ ਇੱਕੋ ਚੀਕ!
ਵਿਹਲੜ, ਚੋਰ, ਜ਼ੁਆਰੀ,ਅਮਲੀ ਵਧਦੇ ਜਾਣ
ਮਾਪੇ ਜਾਂ ਸਰਕਾਰਾਂ, ਦੋਸ਼ੀ ਕੌਣ ਵਧੀਕ?
ਸਚ ਬੋਲਣ, ਸੱਚ ਸੁਣਨ, ਤੇ ਹੁੰਦੀ ‘ਢਿਬਰੀ ਟੈਟ’
ਹੁੰਦੇ ਰਹਿੰਦੇ ਪਰਚੇ, ਗੈਸ, ਰਿਪੋਟਾਂ ਲੀਕ!
ਨਹਿਰ ਕਿਨਾਰੇ ਘੇਰਨ, ਲੁੱਟਣ ‘ਮਾਰ-ਮੁਕੌਣ'
ਬਾਪੂ ਨੇ ਸਮਝਾਇਆ “ਬਚ ਕੇ ਰਹਿ ਅਮਰੀਕ”।
2 comments:
Kya Baat Hai Sir!!
ਕਿਆ ਬਾਤਾਂ ਨੇ ਜਨਾਬ!!
Post a Comment